Jennifer Lopez është përballur me një situatë jo fort të rehatshme gjatë qëndrimit të saj në Paris, ku ndodhet për aktivitetet e Javës së Modës. Teksa po ecte në rrugët e kryeqytetit francez, këngëtarja u vu në qendër të vëmendjes së një grupi paparacësh, të cilët iu afruan në mënyrë të njëpasnjëshme për të marrë fotografi.
Lopez reagoi duke tentuar të qetësonte situatën. “Djema, qetësohuni pak. Nuk po shkon askush askund”, dëgjohet t’u thotë ajo fotografëve, përpara se t’u shtojë me humor: “Merrni frymë pak”. Paparacët shpjeguan se nxitimi i tyre lidhej edhe me temperaturat e larta, ndërsa Lopez më pas pranoi të ndalej dhe të pozonte për kamerat.
Përveç momentit me fotografët, vëmendjen e mori edhe look-u i saj. Ylli 57-vjeçar u shfaq me një fustan të bardhë dantelle, çorape të së njëjtës ngjyrë dhe këpucë të zeza prej lëkure, duke sjellë një tjetër paraqitje të komentuar nga ditët e saj në Paris. Lopez ka qenë një prej emrave të pranishëm në Javën e Modës në Paris dhe të mërkurën u shfaq në rreshtin e parë të sfilatës së Stella McCartney për koleksionin pranverë/verë 2027.
