Aktorja e famshme, Sharon Stone, ka tërhequr vëmendjen e ndjekësve të saj në “Instagram” me një postim veror ku shfaqet me bikini me printime gjeometrike në ngjyra vjollcë, jeshile dhe fuksia, teksa pozon në një ambient kopshti me pishinë.
Në mbishkrimin e fotos, Stone shkruan se “vera është shumë afër”, ndërsa vëmendje të veçantë ka marrë fakti se ajo është shfaqur pa filtra, duke treguar një pamje natyrale dhe shenja të moshës, gjë që është vlerësuar gjerësisht nga ndjekësit si një mesazh autenticiteti dhe pranimi të vetes.
Postimi i saj ka marrë shumë komente pozitive, ku fansat e kanë falënderuar për promovimin e imazhit real të trupit dhe për normalizimin e procesit të plakjes.
Më herët, aktorja ka folur edhe publikisht për frikën që shoqëria ka ndaj plakjes, duke theksuar rëndësinë e pranimit të trupit dhe natyralitetit të jetës.
