Pushuesit e plazhit në Portugali janë paralajmëruar se mund të përballen me gjoba deri në 36,000 euro për vendosjen e muzikës me zë të lartë. Altoparlantët portativë që shqetësojnë vendasit dhe turistët janë ndaluar nga Autoriteti Kombëtar Detar i vendit. Gjobat mund të jenë diku ndërmjet 200 dhe 4,000 € për individët dhe midis 2,000 dhe 36,000€ për grupet. Nga Portugalia në Kroaci, rregulla dhe kufizime po futen për t’i bërë destinacionet turistike.

Ndërkaq, rikujtojmë se autoritetet në Tenerife kanë ardhur me masa të forta kundër duhanpirësve. Sipas mediave vendase, do të ndalohet ndezja e një cigareje në plazhet e ishullit më të madh të ishujve Kanarie. Shkelësit do të dënohen me 2000 euro gjobë.

Legjislacioni i ri parashikon se për të shmangur ndotjen e mundshme të bregdetit, ndalohet pirja e duhanit në plazhet dhe zonat e plazhit së bashkisë, me përjashtim të zonave të autorizuara dhe të përcaktuara shprehimisht nga Këshilli. Në veçanti, kushdo që lë mbeturina jashtë koshit të mbeturinave ose cigare rrezikon një gjobë prej 2000 eurosh.